|
Ne Bibliaj TIK NAWAT |
1 Yojan |
NE ACHTU
TAJKWILUL IPAL YOJAN
1 Yojan
|
1 |
1 Tejemet titakaktiwit ken pejki wan muchi tay
muchijki, wan tikitztiwit iwan ne tujtuish, titachishtiwit, wan ne tujtumey
tachijchintiwit, tay ipal ne Palabraj Yultuk. 2 Wan ne Yultuk muneshtij wan tikitaket, wan
timetzinhilwiat wan timetzinneshtiliat tay ipal ne Senpa Yultuk ne nemik itech
ne teteku wan muneshtijtuk tuishpan. 3 Tay ne tikitztiwit wan titakaktiwit nusan
timetzinneshtiliat pal kiane anmejemet nusan welit musentepewat tuwan wan pal
timusentepewat ken tekniwan iwan ne Tuteku wan iwan ne Itelpuch Yeshu
Mawaltijtuk. 4 Wan tikijkwiluat ini anmupal pal yekawi ne
tupakilisyu.
5 Wan ini ne tanawatilis ne itech titakakket
wan ne timetzinneshtiliat: ka ne Teut tawil, wan nian se chiupi kunyua inte
kanaj ijtik Yaja.
6 Asu tinat ka timusentepewat iwan wan asu
tinejnemit ijtik ne kunyua, tinat sanka wan te tikchiwat ne tejkia. 7 Asu tinejnemit ijtik ne tawil ken yaja nemi
ijtik ne tawil, timusentepewat sejse iwan sejse, wan ne iesyu Yeshu, ne ikunew,
techpupua wan techishtilia muchi tay tikchijtiwit tay inteyek.
8 Asu tinat ka inte titateyekchijtiwit,
timushijshikuat wan te kanaj tejkia ijtik tejemet. 9 Asu tinat ka titateyekchijtiwit, Yaja muwika
yek tuwan wan weli techishtilia tay ne tikchijtiwit wan yawi techpupua wan
kishtia muchi ne tay inteyek. 10 Asu tinat ka inte tikchijtiwit tay inte yek,
tikchiwat tashijshikuani wan te nemi ne ipalabraj ijtik tejemet.
|
Ne
Bibliaj TIK NAWAT |
· 1 Yojan |
Ini ijiswat muitat mas
yek iwan Windows 7 |
© 2012, Ne Bibliaj Tik Nawat © Jan Morrow |