|
Ne Bibliaj TIK NAWAT |
2 Korinto |
|
9 |
1 Te muneki ma nimetzinhilwi ka tinemit pal
titekitit ipal ne tayulmatit, 2 ika nikmati ka ankinekit kinpalewiat sujsul,
hasta nimuweymati anmupanpa iwan ne tukniwan ipal Macedonia, nikinhilwia ka ne
tukniwan ipal Akaia ashan se shiwit muajshitiwita; wan ne anmudevocion
kichijtuk ka miak nusan kinekit muejekuat sea.
3 Niktuktijtuk ne tukniwan pal te yawi muchiwa
ka muchi tay ninatuk ipanpa uni te tejkia, ma muita ka anmuajshitijtiwit ken
ninatuk, 4 ma te yawit ajsit nuwan sejse ipal Macedonia
wan kiajsit ka te anmuajshitijtiwit, wan su ijkiuni tejemet tiawit tishpinawat,
ma te nina anmejemet, ika tinatiwit ka ijkia. 5 Yajika tel, ninak ka nimuneki niktajtani ne
nukniwan ma ajsikan anmutech achtu pal kipikit ne teteuchiwalis ne anhinaket ka
yawi muchiwa, ma muchiwa ken teteuchiwalis wan tesu ken se tay titajtanit pal
tikpiat wey.
6 Ini tay nina: ká tatuka wan sema chiupi
kituka, sema chiupi yawi tapishka; wan ká tatuka iwan wey teteuchiwalis, iwan
tejteteuchiwalis yawi tapishka nusan. 7 Sejse tejemet ijkiunisan ken kielewia ne
iyulu, tesu iwan yulkukulis nian tapachulis.
“Ká tamaka
iwan pakilis, ne Teut kitasujta.”
8 Ne Teut kipia itajpal pal weli metzintepewilia
muchi ne tejtetakulis pal senpa ankipiat muchi tay ankinekit tik muchi, pal
kiane anyawit kipiat ipal muchi anmutekitilisyu yek, 9 ken muijkwilujtuk:
“Tasentaluj,
kinmakak ne munekit; ne itamelawakchiwalis naka pal senpa.”
10 Ne ká kimaka ijish ne tatuka wan itamal, yawi
metzinmaka wey anmuish pal antatukat, wan yawi kichiwa ma weya ne tay tamaka ne
anmutamelawakchiwalis; 11 anmupal muchi yawi tepewi pal antamakat muchi
tay welit, wan ijkiuni tejemet tiwelit tikilwiat panpadiush ne Teut. 12 Ika kwak ankichiwat ini anmutekiw, tesu sema
ankimakat ne tayulmatit tay yejemet munekit, nusan wey ipatiw pal ankilwiat
sujsul panpadiush ne Teut 13 iwan ne taejekulis ipal ini tekitilis;
ijkiuni ankichiwat ma inakan ka wey ne Teut ika ankitakamatit wan ankikwit ne
yeknawatilis ipal ne Mawaltijtuk, wan ika ankitakuliat muchi tay anwelit ipal
yejemet wan ipal muchi, 14 wan ika yejemet mutajtaweliat ka anmumaku wan
metzintasujtat ipanpa ne sujsul wey itetasujtalis ne Teut anmutech. 15 Tashtawi ne Teut ipanpa ne wey itetakulis ken
nian weli muneshtia.
|
Ne
Bibliaj TIK NAWAT |
Ini ijiswat muitat mas
yek iwan Windows 7 |
© 2012, Ne Bibliaj Tik Nawat © Jan Morrow |