Ne Bibliaj Tik Nawat

Ne Bibliaj

TIK NAWAT

Matay

NE IYEKNAWATILIS MATAY

Matay

¹Ne amat kan ina ken pejki Yeshu, Mawaltijtuk, itelpuch Dawid itelpuch Abraham:

²Abraham kipishki Itzak,

Itzak kipishki Yakob,

Yakob kipishki Yuda wan ne iikawan.

³Yuda kipishki Peretz wan Zera itech Tamar.

Peretz kipishki Hetzron,

Hetzron kipishki Ram,

⁴Ram kipishki Aminadab,

Aminadab kipishki Najshon,

Najshon kipishki Salmon,

⁵Salmon kipishki Boaz itech Rajab.

Boaz kipishki Obed itech Rut.

Obed kipishki Yeshay,

⁶Yeshay kipishki Dawid ne tatuktiani.

Dawid kipishki Shalomo itech Uriya.

⁷Shalomo kipishki Rejab-Am,

Rejab-Am kipishki Abiya,

Abiya kipishki Asa,

⁸Asa kipishki Yoshapat,

Yoshapat kipishki Yoram,

Yoram kipishki Uziya,

⁹Uziya kipishki Yotam,

Yotam kipishki Ajaz,

Ajaz kipishki Jizkiya,

¹⁰Jizkiya kipishki Manashe,

Manashe kipishki Amotz,

Amotz kipishki Yoshiya.

¹¹Yoshiya kipishki Yekonya wan ne iikawan tik ne tujtunal kwak yajket wejka ka Babelonia.

¹²Kwak ajsitiwit Babelonia Yekonya kipishki Shaltiel,

Shaltiel kipishki Zerubabel,

¹³Zerubabel kipishki Abihud,

Abihud kipishki Elyakim,

Elyakim kipishki Azor,

¹⁴Azor kipishki Tzadok,

Tzadok kipishki Akim,

Akim kipishki Elihud,

¹⁵Elihud kipishki El-Azar,

El-Azar kipishki Matan,

Matan kipishki Yakob.

¹⁶Yakob kipishki Yosep, ishulejyu Maryam, ne itech mupunij Yeshu ne muilwia ne Mawaltijtuk.

¹⁷Yajika, muchi ne inoywan ne pewat iwan Abraham wan hasta Dawid, majtakti-nawi tapunilis; wan ne inoywan pewat iwan Dawid wan hasta kwak yajket wejka ka Babelonia, majtakti-nawi; wan ne inoywan pewat kwak yajket Babelonia wan hasta ne Mawaltijtuk, majtakti-nawi.

Nesik Yeshu

¹⁸Ijkini panuk ka nesik Yeshu ne Mawaltijtuk. Maryam ne inan yawi katka munamiktia iwan Yosep. Wan kwak yejemet inteuk munamiktijtiwit, weykiski iwan ne Ijiutzin. ¹⁹Yosep ishulejyu katka se senpa kichiwa tay yek. Inte kinekituya ma tajtaketzakan ipanpa. Yajika kinekituya kiajkawa isiwaw ma yawi minaya. ²⁰Kwak nemituya yultaketza muchi uni, kitemikik wan né kitak se tanawatiani ipal ne Teut, ina:

—Yosep itelpuch Dawid, maka shu-shimajmawi, tiweli timunamiktia iwan Maryam musiwaw, ika ipal ne Ijiutzin ne takati ijtik yaja. ²¹Kipunis se piltzin wan tiktalilis itukay Yeshu, ika yajasan yawi kipalewia ne itechan melka teyekchijtiwit.

²²Muchijtuk muchi ini pal ma yekawi ne tay inak Tutajwan itech ne taketzani, ken ina katka:

²³”Né ne siwapil kipias wey iijti wan kipunis itelpuch,

wan kinutzasket itukay Imanuel.”

Imanuel kineki ina tik Nawat: “Tuwan nemi ne Teut”.

²⁴Ne Yosep tamik kuchi wan isak, wan kichijki ken kituktij ne tanawatiani pal Tutajwan wan munamiktij iwan isiwaw, ²⁵wan te senkuchki iwan hasta punik itelpuch. Wan kitukaytij Yeshu.

Ne Bibliaj

TIK NAWAT

· NE BIBLIAJ TIK NAWAT

· Matay

· Matay tik ukse taketzalis

Ini ijiswat muitat mas yek iwan Windows 7