ESPAÑOL | ENGLISH
Ne Bibliaj Tik Nawat te ipal se teupan o seuk teupan. Yaja ipal muchi ká kinekit kishmatit ne Bibliaj tik Nawat.
Ne itekuyu itukay Jan Morrow. Kinekik ma mupata ne Bibliaj tik Nawat, wan tik 2005 pejki kitejtemua tumin pal muchiwa. Ne tapatani itukay Alan R. King. Pejki kipata tik 2007. Nusan sejseuk techpalewijtiwit. Nikan tikitat Paula Lopez, ipal Witzapan (Santo Domingo de Guzmán), wan Jan Morrow.
Jan Morrow nesik tik Irlanda. Yajki ka Congo tik Africa iwan iteku wan inan kwak kipiatuya chikwasen metzti. Yaja se tapajtiani kipajtia takwalmet. Tik ne shiwit 2001 ajsik Kuskatan wan pejki tekiti iwan palejmet kinekit kipalewiat ne tukniwan tik ne tejtechan. Tik 2002 munamiktij iwan Flor, se pal Kuskatan. Ashan Jan wan Flor nemit tik ne Ejestadoj Senputzujtuk (Estados Unidos).
 Alan R. King nesik tik Inglaterra. Mumachtijtuk miak taketzalis. Ajsik tik Kuskatan tik ne shiwit 2002 wan pejki mumachtia Nawat, nusan tekitki pal muyulkwepa ne Nawat. Yaja weli Hebreoj wan Griegoj wan kishmati ne Bibliaj. Alan munamiktijtuk iwan se siwat pal Kuskatan. Ashan nemit tik Europa.
| 
