Tik Ne Bibliaj Tik Nawat
tiknekit tikpatat muchi ne Bibliaj (ne Achtu Sentaketzat wan ne Yankwik Sentaketzat) tik ne Nawataketzalis. Tikwit ne ajachtu amat pal ikman, ne mujkwilujket tik uksejse taketzalis, wan tiknekit ma naka yek tik Nawat wan ma ina kenha ken inak tik uni tajtaketzalis, pal muchi welit kitat tay ina katka wan ken yektzin, nusan tik Nawat.
Se takutun pal ne Bibliaj mujkwiluj achtu tik Hebreoj, wan se takutun chikitik tik Arameoj. Ukse wey takutun, ne Yankwik Sentaketzat, mujkwiluj achtu tik Griegoj. Te muchijket tik Castillaj nian tik Ingles. Yajika, tejemet te tiawit tikpatat tay ina tik Castillaj wan Ingles sute tay nemi tik ne tajtaketzalis pal ikman.
Tejemet tinat ka melka ne Nawat se taketzalis chikitik wan ini tutekiw uij, muneki ma tikchiwakan yek wan timuejekuat pal naka ijkiuni.
|
|
