|
| 2 Pedro |
|
Ne Ukse Tajkwilul Ipal Pedro anka ne tipan amat ne mutajkwiluj ipal ne Yankwik Sentaketzat. Ikman inat katka ka Pedro, ne Titanijtuk, kitajkwiluj; ashan te. Ini amat kipia sejse palabraj ne muajsit ijtik Yuda wan nusan se iamaw Pawlo, kineki ina ka ne tajkwiluani kishmati katka ini ajamat wan kimatiaya tay nemi tik ne Yankwik Sentaketzat. Nusan yaja taketza inpanpa sejse ká inat katka ka ne Mawaltijtuk ishtuna witz: “Ken ijtuk iwan ne promesaj ka yawi walmuneshtia yajane? Ika ne tejteteku kuchket wan muchi naka kenha ken kwak pejki!” (3:4), ken su pejtuskiat kikinakat sejse ika panuketa miak shiwit wan teuk walajtuk. Sujsul tekenha tay ina wan ken ina ini tajkwilul wan 1 Pedro.
|
|
