|
| 2 Korinto |
|
Inte tikmatit keman kitajkwiluj Pawlo Ne Ukse Tajkwilul Ipal Ne Tukniwan Ipal Korinto. Tikmatit ka Pawlo ajsi katka Korinto seujseujti wan kwak nemituya tik uksejse techan, sentajkwiluat katka.
Sejse inat ka anka yaja inte sanse amat sute ume o mas ne nakaket sajsalujtuk ken se. Sejse takutun ipal ini amat te kenhat ken uksejse takutun, yajika muita ka anka te muchi ne tajkwilul sema se amat.
Nusan uij pal tikmatit ini ajamat su te tikmatit yek ken nemituyat wan tay panu katka ijtik ne sennemit tik Korinto. Tik 1 Korinto, Pawlo kinhilwij ka yawi mukwepa ajsi nemanha. Muita ka te ajsik wan ne tukniwan ipal Korinto kwalanket. Nusan pejket musumat ijtik yejemet: sejse inat katka ka te kikwit ne tatuktilis ipal Pawlo. Kwakuni te tikmatit su yajasan yajki ka né o kituktij se ikunpa intech. Pero kwak ajsik yejemet kiajajwaket sujsul. Panuket miak metzti wan Pawlo kituktij ukse itepalewiani, ne Tito.
Tik ini amat tikitat ken chuka Pawlo ipanpa ken ijtuk tik Korinto, wan mutajtawelia inwan ma mukwepakan kikwit ne yek ujti. Nusan tikitat ne ikwalan ika sejse inte kinekit kitakamatit.
|
|
