|
| Ebrayujmet |
|
Te tikmatit ká kitajkwiluj Ne Tajkwilul Ipal Ne Ebrayujmet; anka yaja se imumachtiani Pawlo, pero tesu Pawlo yajasan. Nusan te tikmatit ká ipal yaja kitajkwiluj; katka miak inat ka anka ipal ne Cristianojmet-Yudayujmet nakatiwit tik Israel, ne "Ebrayujmet" ("hebreos" tik Castillaj). Nusan te tikmatit su yaja se amat ne kintuktij sejse, o anka te, sejse inat ka anka yaja se sermon pal tikakit tik ne sennemit. Ini tay tikmatit: ka ne taketzalis ipal ini amat yektzin ken tajkwilujtuskia se ká weli sujsul yek ne Greciajtaketzalis.
Ne taika ipal ini amat, yaja ka nemit sejse Cristianoj kiajkawat ne tayulmatilis. Seuseujti kiajkawat ika uij, ika ne Cristianoj tik uni tujtunal panut katka teyek. Anka kiyulmatit ukse palabraj wan kiajkawat katka ne sennemit ipal ne Mawaltijtuk. Ina ini amat ma kipiakan tayulmatilis. Nusan ina ka kwak se te-Yudayuj mukwepa Cristianoj te muneki ma kikwi ne itajtuli Moshe.
Ini amat ina sejsenpa sejse tay nemit tik ne Achtu Sentaketzat, ne Bibliaj ipal ne Yudayujmet. Anka yajika sejse inaket ka yaja "ipal ne Ebrayujmet".
|
|
