|
| Epesos |
|
Ikman kimatit katka ka Pawlo ne tajkwiluj Ne Tajkwilul Ipal Ne Tukniwan Ipal Epesos; melka uni, ashan miak tamatini inat ka tesu yaja, sute seuk kitajkwiluj kwak kichiwa wey tiempoj ka Pawlo tajkwilujtuya ne iajamaw.
Nusan te tikmatit su tejkia ka kwak mutajkwiluj ini amat yaja ipal ne tekniwan ipal Epesos (se techan tik ne Turquia pal ashan). (Tik ne ajamat pal mas ikman ipal ini tajkwilul, te ina ká ipal, semaya ina pal pewa: "Naja, Pawlo, ititanijtuk ne Mawaltijtuk Yeshu ipanpa itaelewilis Teut, niktuktia ini tajkwilul itech ne tukniwan ne kiyulmatit ne Mawaltijtuk Yeshu"; te ina "tukniwan ipal Epesos", melka tik uksejse amat mutalilij "ipal Epesos".)
Ne wey tamachtilis ipal ini tajkwilul, yaja ka tinemit pal tinejmachnemit ijtik ne sennemit wan ma tikpalewikan ne sennemit senpa ika ne sennemit "ne iweyka ne Mawaltijtuk". Ijkiuni yaja ina: "Nimetzintajtani naja tel, ne ilpituk ka imaku ne Tajtzin, ma shimuwikakan ken munekit ne munutztiwit, ika anmejemet kikwijtiwit ne tanutzalis: iwan kanawakmatilis wan yulyamanikayu wan weytejchialis; shimuselikan sejse iwan sejse ipanpa tetasujtalis; shimutatemuilikan pal mutajpia ne imusentalilis ne Ijiutzin ijtik ne ilpika ipal ne nejmachnemilis, sanse iweyka, sanse iijiu, ijkiunisan ken anmunutztiwit iwan sanse tejchialis ipal ne anmutanutzalis; sanse tajtzin, sanse tayulmatilis, sanse teulyujmakalis; sanse Teut wan Teteku ipal muchi ká nemi ijpak muchi, wan ka inmaku muchi, wan ijtik muchi" (4:1-6).
|
|
