|
| Pilemon |
|
Ne Tajkwilul Ipal Pilemon ne mas chikitik ipal ne ajamat ijtik ne Yankwik Sentaketzat. Muchi kimatit ka Pawlo yajasan tajkwiluj ini amat. Kitajkwiluj kwak yaja nemituya tzaktuk. Ne amat ipal ne Pilemon wan ume itepalewiani (se siwat itukay Apia wan se takat itukay Arkipos). Pilemon itukay se Cristianoj ipal Kolosay kipia wey tumin; ne sennemit musentepewa katka ichan yajane.
Kitajkwiluj ini amat ipanpa se tay muchijki. Iwan Pawlo nemi se esklaboj itukay Onesimos, se Cristianoj; tikmatit ka yaja itekitini Pilemon, wan kwalanket ipanpa se tay yaja kichijki (te tikmatit tay), chuluj wan ajsik itech Pawlo. Yajika, Pawlo kituktij itech Pilemon ini amat, kan yaja kitajtan ma munapalukan ken Cristiajmet.
|
|
